Mbok menawa panjenengan sedaya ana sing durung ngerti rasane lara flu. Kanggoku lara flu kaya langganan majalah, tekane rutin. Wiwitane irung meler ora mandheg-mandheg, njur mata nrocoh lan sirah dadi kemut-kemut. Nanging ana sing beda saklawase setaun iki.

Wiwit awal tahun 2009 tak niati yen aku kena flu ora bakal ngombe obat flu. Kawitane pancen abot banget. Aku glempangan ing kasur nahan sirah sing cekot-cekot. Akhire ujian pertama aku lulus, flu-ku mari dhewe tanpa kudu ngombe obat flu. Ing kesempatan sakteruse, aku tetep ora ngombe obat flu yen lagi kena flu. Tak rasakke bedane, saya suwe serangane ora mbutuhke wektu kang suwe. Sing terakhir wingi aku mung ngrasakke gejala flu mung rong ndina wis mari.

Kesimpulanku sementara, yen lara flu ora susah ngombe obat flu, nggo turu wae njur mangan sing akeh….insya Allah mari.