Bengi ini aku ngimpi dolanan ning kali sing lagi kebak banyune. Akeh bocah-bocah sing padha nglangi, dene aku mung ndeleng saka tengah kreteg pring. Banyune deres banget nganti ujug-ujug aku nglilir.

Merga krasa pipis aku ndang gage nyang kamar mandi. Masya Allah, jebule kran sing tak bukak awit jam 8 bengi durung tak tutup. Banyune mblabar-mblabar kaya banyu kali ing ngimpiku mau. Mangka saiki wis jam 3 esuk, sepira banyu sing kebuwang?