Nyoba nggawe polling, nganti sakiki, sekolah-sekolah dasar ing Jawa Tengah isih ngajarke pelajaran Basa Jawa. Miturut Panjenengan, Pelajaran Basa Jawa iki penting apa ora?
Juli 26, 2011
Juli 26, 2011
Maksude sepira suwene aku lan panjenengan betah nulis ing blog. Suwe banget aku ra nulis ing blog iki. Awit ana Facebook lan twitter, aktivitas ngeblog dadi keleleran.
Iki jelas ora becik. Eman-eman, aktifitas nulis iki sakjane cukup nyenengke, nanging kenapa dadi wegah?. Mbok menawa perlu obat kuat ben semangat maneh olehku nulis. Iki lagi tak goleki…
April 4, 2011
Aku nyabrang dalan ngarepe pasar Jatingaleh lewat jembatan penyebrangan. Senajan papan-papane katon wis tuwa merga kodanan lan kepanasen nanging isih kuwat banget merga saking kandele.
Sakwise munggah undhak-undhakan aku mambu ganda kotorane manungsa. Aku lingak-linguk golek sumbere ganda kuwi. Oooo pranyata ana sing kurang gaweyan. Kotoran kuwi jebul di oleske ning plat penutup kiwa tengene penyebrangan. Waah jan manungsa sing ora bersyukur, barang digawe larang-larang malah diregedi, aku bingung mikirke jan-jane apa karepe wong sing ngotori kuwi…
Januari 3, 2011
Kira-kira tahun 2006 aku mulai mbukak rekening tabungan haji ing sawijining Bank Syari’ah. Kenapa Bank Syari’ah. Alasan pertama merga bank kuwi sepi, pelayanane cepet. Alasan kedua merga ana embel-embele syari’ah…
Rekening tak bukak kanthi setoran awal limang atus ewu, sakteruse setoran minimal seket ewu. Wektu kuwi dhuitku pancen mung sakmono. Bar kuwi saldone ora tambah-tambah mbuh nganti pirang sasi…
Januari 3, 2011
Wis tak niati wiwit saka tanah suci, aku bakal nulis pengalamanku munggah kaji kanthi tujuan menehi gambaran kanggo sedulur-sedulur sing durung nate tindak Haji. Ing ndesaku, istilah munggah kaji umum dienggo kanggo wong sing nindakke ibadah haji.
Agustus 8, 2010
Aku lagi wae bar jagongan kara kanca sing dadi anggota dhewan tingkat kabupaten. Crita ngalor-ngidul awit kampanye nganti dadi. Uga ncritakke kanca-kanca dhewan liyane. Merga partaine oleh kursi mung sithik, dhewekne gabung karo partai liya nggawe fraksi gabungan.
Nah, ing fraksi gabungan kuwi kancaku kumpul karo anggota dhewan saka partai liya. Jarene ketua fraksine lugu banget merga mbiyen mantan PNS. Wis meh setahun dadi anggota dhewan, ana sing nganyelake, ana salah sijine kancane sak fraksi sing ora tau ngomong sak kecap wae ing rapat-rapat. Aneh banget, mesthine anggota dhewan dipilih lan dibayar minimal kudu isa ngomong. Lha yen ngomong wae ora nate, njur apa gaweyane ing gedhung dhewan?
Agustus 5, 2010
Coba njenengan amati, akeh endi wong sing mbuang karcis tol karo sing ora sakwise mbayar. Aku sering ngamati, ora kuwi mobil elek, mobil apik, wonge elek, wonge bagus lan ayu, luwih akeh sing mbuang karcis tol saknalika sakwise ditampa.
Sisi positipe, nambahi lapangan pekerjaan kanggo tukang sapu ing pintu tol. Negatipe, awake dhewe pancen wong ndesa !!!
Agustus 2, 2010
Aku lagi wegah ngomentari dhewekne. Aku ngerti sing dadi probleme tuan I. Merga aku uga nemoni problem sing padha. Padha-padha nganggo BlackBerry, tuan I nggrundel merga kangelan yen arep ngetik angka lan huruf gedhe. Persoalane sepele, tuan I durung nemu caps lock, padhahal yen gelem rekasa sithik maca petunjuke mesthi ketemu.
Caps Lock ing BB sing tak enggo ana rong macem, kanggo angka pejet alt + shift kiwa dene kanggo huruf pejet alt + shift tengen. Sederhana ta, ning mr I wis sulaya sik, kandha yen BB iki angel pengoperasiane.
Kenapa aku ora gelem ngajari? Sebab dhewekne wis sering tak ajari hal-hal sing njlimet, lan dhekne alasan yen wegah maca petunjukke…
Agustus 2, 2010
Wis pirang-pirang subuh aku nemoni kedadeyan iki. Anggere sing adzan lan qomat pak kuwi, mesthi olehe qomat rada kesusu-susu. Sakwise adzan, jamaah langsung sholat sunah rong rekaat, naah… bar salam langsung ae di qomati. Sak jane ra ana sing kleru, nanging sing ndadekke ati ra kepenak, ana sawijining bapak-bapak sing tekane rada keri, njur shalat sunahe orang mung loro nanging patang rekaat. Ning kene masalahe…. (lagi…)
Juli 30, 2010
Sinambi sarapan aku ditemoni pak J. Mohon menghadap komandan…Aku kudu ngguyu, memange aku tentara, diundang komandan.
Ada yang bisa saya bantu Pak?,
Ini ndan, saya sudah menghadap Bu N, manajer Unit, minta layanan cepat untuk Kolonel M.
OK, coba saya bantu, mana suratnya Pak?
Maaf ndan, suratnya tidak ditembuskan ke bapak.
Nggih mpun, mangga surate dipun fotocopy riyin….(aku nganggo basa jawa)
Sakwise fotokopian tak tampa, njur tak waca. Aku njur nelpon Bu Manajer N, tak takoni apa wis nampa surat sing lagi tak waca? Jarene wis, nanging….pak Kolonel njaluk Gratis !!!
Aku mung mesem, pengine ngguyu ngakak. Jaman ngene kok isih njaluk gratis, parkir wae sakiki rong ewu, pipis sewu, wong ngamen minimal limang atus.
Bu N kandha, nek mung sejuta isa tak gratisi pak (haaah, gratis sejuta?), ning iki rong njuta luwih. Njur piye? Bu N tak kon rembugan karo Pak Kolonel, kon urun sithik-sithik ra papa. Mosok rong njuta luwih njaluk gratis…
